Բռնցքամարտի երիտասարդների Աշխարհի առաջնությունում այսօր ռինգ դուրս եկան Հայաստանը ներկայացնող 2 մարզիկ:
49 կգ քաշային կարգում հանդես եկող Արսեն Աբգարյանը մենամարտեց ուկրաինացի Չյուլաչաև Օլեգի հետ: Հայ բռնցքամարտիկը պարտվեց 2:1 հաշվով և դուրս մնաց հետագա պայքարից:
Ժիրայր Սարգսյանը ուժերը փորձեց Արապով Աիդոսի հետ, սակայն մրցավարների միաձայն որոշմամբ հաջորդ փուլի ուղեգիր նվաճեց ղազախ բռնցքամարտիկը:
Նշենք, որ առաջնությունում մեդալի համար դեռևս պայքարում են հայաստանցի 2 մարզիկ` գերծանր քաշային կարգում հանդես եկող Գուրգեն Հովհաննիսյանը և 60 կգ քաշային կարգում մեր երկիրը ներկայացնող Նարեկ Հովհաննիսյանը: Վերջիններս վաղը կպայքարեն 1/4 եզրափակչի ուղեգրի համար: