Սանկտ Պետերբուրգի «Սիբիր» արենայում շարունակվում է ընթանալ Բռնցքամարտի Աշխարհի երիտասարդների առաջնությունը:
Հայաստանի ներկայացուցիչներից այսօր ռինգ դուրս եկավ 3 բռնցքամարտիկ: 1/16-րդ փուլում 49 կգ. քաշային կարգում հանդես եկող Արսեն Աբգարյանը կարողացավ առավելության հասնել Պուերտո Ռիկոն ներկայացնող Ադրիեր Ռեյեսի դեմ:
Վահե Բադալյանը պարտություն կրեց ԱՄՆ ներկայացնող Մարկ Կաստրոյից, որը լուրջ հավակնություններ է ներկայացնում առաջնությունում մեդալ նվաճելու համար:
1/8 եզրափակչի ուղեգիր նվաճեց նաև Ժիրայր Սարգսյանը՝ հաղթելով լատվիացի բռնցքամարտիկ Արտուրա Ժինկովսկիին:
Արսեն Աբգարյանը և Ժիրայր Սարգսյանը հաջորդ մենամարտերը կանցկացնեն նոյեմբերի 21-ին:
Նշենք, որ Հայաստանի ներկայացուցիչներից ռինգ դեռևս դուրս չի եկել գերծանր քաշային կարգում հանդես եկող Գուրգեն Հովհաննիսյանը, որը նոյեմբերի 22-ին 1/8 եզրափակչում կմենամարտի Հունի Ջաստիա(Ավստրիա)-Ալիշեր Դուստով (Ուզբեկստան) զույգի հաղթողի հետ:
Իսկ վաղը Նարեկ Հովհաննիսյանը 1/16-րդ փուլի շրջանակներում կմրցի Ավստրալիան ներկայացնող Սեաբուռն Բայլիի հետ:
