Սանկտ Պետերբուրգում նոյեմբերի 17-ից մեկնարկել է Բռնցքամարտի Երիտասարդների Աշխարհի առաջնությունը: Հայաստանն այս մրցաշարում ներկայացնում է 7 մարզիկ:
Այսօր Հայաստանի ներկայացուցիչներից մենամարտեցին 3 բռնցքամարտիկ: 60 կգ. քաշային կարգում հանդես եկող Նարեկ Հովհաննսիյանը ուժերը փորձեց Թաիլանդը ներկայացնող Անան Տոնկրատոկի հետ: Հայ բռնցքամարտիկը ակնհայտ առավելությամբ պարտության մատնեց Տոնկրատոկին: Հաջորդ փուլում Հովհաննիսյանը կմրցի Ավստրալիան ներկայացնող Սեաբուռն Բայլիի հետ (Նոյեմբերի 20):
64 քաշային կարգում Հայաստանը ներկայացնող Տոնի Գալստյանը չկարողացավ հաղթահարել 1/32-րդ փուլի արգելքը և պարտվեց հնդիկ բռնցքամարտիկ Անշիշին:
Գերմանացի Ատուր Մեմբերգը մենամարտեց Գուրգեն Մադոյանի հետ: Ողջ մենամարտը ընթացավ հավասար պայքարում, սակայն գերմանացին աննշան առավելությամբ կարողացավ նվաճել հաջորդ փուլի ուղեգիր:
Նշենք, որ նոյեմբերի 19-ին 1/16-րդ փուլում ռինգ դուրս կգան Արսեն Աբգարյանը (46 կգ.), Ժիրայր Սարգսյանը (52 կգ.), Վահե Բադալյանը (56 կգ.):