Սերբիայի մայրաքաղաք Բելգրադում շարունակվում է ըմբշամարտի աշխարհի անհատական գավաթի խաղարկությունը, որը կտևի մինչև դեկտեմբերի 18-ը:
Ազատ ոճի ըմբշամարտի 57 կգ քաշային կարգում Հայաստանի ներկայացուցիչ Արսեն Հարությունյանը, եզրափակիչ գոտեմարտում 0-10 հաշվով զիջելով ռուս Զավուր Ուգուևին, դարձել է աշխարհի անհատական գավաթի խաղարկության արծաթե մեդալակիր:
Մինչև եզրափակիչ հասնելը Հարությունյանը 1/8 եզրափակիչում հաղթել էր Ռազվան Կովաչին(7-0), քառորդ եզրափակիչում՝ ուկրաինացի Անդրեյ Յացենկոյին(5-4), կիսաեզրափակիչում՝ սերբ Ստևան Միչիչին(7-4):
Հայաստանի ներկայացուցիչներից եզրափակիչի ուղեգիր է նվաճել նաև 65 կգ քաշային Վազգեն Թևանյանը, որը ոսկե մեդալի համար կգոտեմարտի դեկտեմբերի 18-ին՝ մրցումային վերջին օրը:
