«Լիվերպուլի» հարձակվող Մոհամեդ Սալահը ծրագրում է կարիերան շարունակել «Բարսելոնայում» և պատրաստ է անել ամեն ինչ՝ տեղափոխությունն իրականություն դարձնելու համար՝ հաղորդում է Sport.es-ը։
Ըստ աղբյուրի՝ իսպանական ակումբում հավատում են, որ գործարքը հնարավոր է իրականացնել այս ամառային տրանսֆերային պատուհանի ժամանակ, երբ անգլիական ակումբի հետ Սալահի պայմանագրի ավարտին մեկ տարի կմնա։
Մոհամեդ Սալահը «Լիվերպուլում» հանդես է գալիս 2017 թվականից։
Transfermarkt-ը 100 մլն եվրո է գնահատում եգիպտացու շուկայական արժեքը։ Պրեմիեր լիգայի ընթացիկ մրցաշրջանում Սալահը մասնակցել է 27 խաղի՝ դառնալով 20 գոլի ու 10 գոլային փոխանցման հեղինակ։