«Սոչիի» կիսապաշտպան Էրիկ Վարդանյանը մարզական կարիերան կշարունակի Հայաստանում՝ հաղորդում է Sport24-ը:
Աղբյուրի տեղեկություններով՝ Վարդանյանը կվերադառնա «Փյունիկ», որտեղ հանդես կգա վարձակալական հիմունքով: Ըստ ամենայնի՝ գործարքը պաշտոնապես կհաստատվի շուտով:
Էրիկ Վարդանյանի ու «Սոչիի» միջև գործող պայմանագրի ժամկետը լրանում է 2022 թվականի դեկտեմբերի 31-ին: Վարդանյանը Հայաստանի հավաքականի կազմում 4 խաղի է մասնակցել՝ դառնալով 1 գոլի հեղինակ: