«Տոտենհեմում» որոշել են, որ թիմի ֆուտբոլիստներից և ոչ մեկին թույլ չեն տալու միանալ «Ռոմային», որի ղեկն ընթացիկ մրցաշրջանի ավարտից հետո կստանձնի լոնդոնյան ակումբի նախկին գլխավոր մարզիչ Ժոզե Մոուրինյոն՝ հաղորդում է The Sun-ը:
Խոսքը, մասնավորապես, վերաբերում է Էրիկ Դայերին ու Պիեռ-Էմիլ Հոյբյերգին, որոնց ծառայություններով հետաքրքրված է պորտուգալացի մասնագետը:
«Չենք պատրաստվում ոչ ոքի բաց թողնել Մոուրինյոյի թիմ, իսկ Դայերն ու Հոյբյերգը շատ կարևոր են մեզ համար, և այդ կարևորությունը դժվար թե փոխվի»,- The Sun-ը մեջբերում է լոնդոնյան ակումբին մերձավոր աղբյուրի խոսքը:
