ԱԻԿ-ը Շվեդիայի առաջնության 15-րդ տուրում սեփական հարկի տակ 3-0 հաշվով հաղթանակ է տոնել «Էլֆսբորգի» նկատմամբ:
Երկրի գործող չեմպիոնն այս հաղթանակի շնորհիվ միավորների քանակը հասցրել է 31-ի և զբաղեցնում է 2-րդ հորիզոնականը: ԱԻԿ-ն առաջատար «Մալմյոյից» հետ է մնում 3 միավորով, սակայն նրա համեմատ 1 խաղ պակաս է անցկացրել: Լավագույն եռյակը եզրափակող «Յուրգորդենն» ունի 28 միավոր ու ԱԻԿ-ից 2 հանդիպում պակաս է անցկացրել:
Հիշեցնենք, որ ԱԻԿ-ը Հայաստանի չեմպիոն «Արարատ-Արմենիայի» մրցակիցն է Չեմպիոնների լիգայի գավաթի խաղարկության որակավորման 1-ին փուլում: Վարդան Մինասյանի գլխավորած թիմը Երևանում շվեդական թիմին հաղթել է 2-1 հաշվով: Պատասխան խաղը տեղի կունենա հուլիսի 17-ին «Ֆրենդս Արենայում»:
«Արարատ-Արմենիա» – ԱԻԿ հանդիպման տեսությունը (տեսանյութ)
