Լոնդոնի «Տոտենհեմի» նիդեռլանդցի եզրային հարձակվող Սթիվեն Բերգվեյնը տեղափոխվում է Ամստերդամի «Այաքս»՝ հայտնում է ինսայդեր Ֆաբրիցիո Ռոմանոն:
Ակումբներն արդեն համաձայնեցնում են գործարքի վերջին դետալները: Տեղափոխությունը պաշտոնապես կհաստատվի այս շաբաթ:
«Այաքսը» Նիդեռլանդների հավաքականի ֆուտբոլիստի տրանսֆերի համար լոնդոնյան թիմին կվճարի 30 միլիոն եվրո:
Բերգվեյնը 2020 թվականի հունվարին է նիդեռլանդական ՊՍՎ-ից տեղափոխվել «Տոտենհեմ»: Սթիվենի պայմանագիրը լոնդոնյան ակումբի հետ գործում է մինչև 2025 թվականի ամառ: