«Չելսին» միացել է «Այաքսի» բրազիլացի հարձակվող Անտոնիի տրանսֆերի համար պայքարին՝ հաղորդում է 90min-ը։ Անգլիական ակումբը մտադիր է ֆուտբոլիստին ձեռք բերել ամառային տրանսֆերային պատուհանի ժամանակ։
Ավելի վաղ հաղորդվում էր, որ «Մանչեսթեր Յունայթեդը» 45 մլն եվրո է առաջարկել՝ բրազիլացու տրանսֆերային իրավունքը ձեռք բերելու համար։
2021/22 մրցաշրջանում 22-ամյա Անտոնին «Այաքսի» կազմում մասնակցել է 32 հանդիպման, խփել 12 գոլ, կատարել 10 գոլային փոխանցում։ Ակումբի հետ նրա պայմանագիրն ուժի մեջ է մինչև 2025 թվականը։