«Բրյուգեի» գլխավոր մարզիչ Ալֆրեդ Սխրյոդերը, որը նախկինում աշխատել է «Բարսելոնայում»՝ որպես Ռոնալդ Կումանի օգնական, մրցաշրջանի ավարտին կստանձնի «Այաքսի» ղեկը՝ հայտնում է ամստերդամյան թիմի մամուլի ծառայությունը:
49-ամյա մասնագետը փոխարինելու է Էրիկ տեն Հագին, որն ընթացիկ մրցաշրջանի ավարտից հետո գլխավորելու է «Մանչեսթեր Յունայթեդը»:
Նշենք նաև, որ երեկ «Այաքսը», 5-0 հաշվով ջախջախելով «Հերենվենին», իր պատմության մեջ 36-րդ անգամ նվաճեց Նիդեռլանդների չեմպիոնի տիտղոսը:
Հավելենք, որ «Բրյուգեի» կազմում վարձակալական հիմունքներով ելույթ է ունենում Հայաստանի հավաքականի հարձակվող Սարգիս Ադամյանը:
