Մադրիդի «Ռեալի» պաշտպան Դավիդ Ալաբան «Բավարիայի» կիսապաշտպան Սերժ Գնաբրիին համոզում է իսպանական ակումբ տեղափոխվել՝ հաղորդում է Bayern & Germany -ն թվիթերում։
Աղբյուրի հաղորդմամբ՝ ավստրիացի ֆուտբոլիստը ցանկանում է 26-ամյա Գնաբրիի հետ վերամիավորվել «Արքայական ակումբում»։ Ավելի վաղ Ալաբան հանդես է եկել «Բավարիայում» և 2021 թվականին հեռացել ազատ գործակալի կարգավիճակով։
Այնուամենայնիվ, Սերժը միտված է մյունխենյան ակումբի հետ նոր պայմանագիր կնքելուն։
Ընթացիկ մրցաշրջանում Գնաբրին «Բավարիայի» կազմում անցկացրած 36 խաղում դարձել է 13 գոլի ու 9 գոլային փոխանցման հեղինակ։