«Ռեալի» պաշտպան Դավիդ Ալաբան շարքից դուրս է մնացել՝ հայտնում է լրագրող Մելխոր Ռուիսը:
Աղբյուրի տեղեկություններով՝ ավստրիացու մոտ ախտորոշվել է մկանային վնասվածք, որը նա ստացել է Չեմպիոնների լիգայի կիսաեզրափակիչի՝ «Մանչեսթեր Սիթիի» դեմ առաջին խաղում (3:4): 29-ամյա ֆուտբոլիստը փոխարինվել էր ընդմիջմանը:
Ամենայն հավանականությամբ, Ալաբան չի հասցնի վերականգնվել մինչև թիմերի միջև պատասխան հանդիպումը:
«Ռեալ» - «Մանչեսթեր Սիթի» խաղը կայանալու է մայիսի 4-ին՝ ժամը 23:00-ին: Հանդիպումը կլինի «Վիվառո Սպորտ»-ի ուղիղ եթերում:
Ընթացիկ մրցաշրջանում «սերուցքայինների» կազմում Ալաբան անցկացրել է 45 հանդիպում՝ դառնալով 3 գոլի և 4 ասիստի հեղինակ: