Մոսկվայի «Վելեսի» կիսապաշտպան Արթուր Գալոյանի մարզական ապագան դեռևս անորոշ է: Ռուս լրագրող Սերգեյ Իլևի տեղեկություններով՝ 23-ամյա հայ կիսապաշտպանի համար տրանսֆերային պայքարում ֆավորիտ է Ռուսաստանի Առաջին դիվիզիոնը ներկայացնող «Ալանիան»:
Թիմը բանակցություններ է սկսել Գալոյանի հետ: Գործարքի իրականացումը շատ հավանական է: Առաջիկայում «Ալանիան» պաշտոնական առաջարկով կդիմի «Վելեսին»:
Նշվում է նաև, որ Գալոյանին անձամբ զանգահարել է «Ալանիայի» նախագահ Վլադիմիր Գուրիևը:
Ավելի վաղ հաղորդվում էր, որ Գալոյանի և «Վելեսի» հետ բանակցում է ՌՊԼ-ն ներկայացնող «Ռոստովը»: «Վելեսի» սպորտային տնօրենը հայտարարել էր, որ նրանք բանակցում են ՌՊԼ-ի թիմի հետ, սակայն ակումբի անուն չէր նշել:
Գալոյանը 2020 թվականի հուլիսից է պաշտպանում մոսկովյան թիմի գույները: Նրա պայմանագիրը «Վելեսի» հետ գործում է մինչև 2023 թվականի ամառ: