Երևանի «Ալաշկերտը» ժամանել է Ուելս, որտեղ վաղը Չեմպիոնների լիգայի որակավորման առաջին փուլում հանդիպելու է «Նոմադսի» հետ։ Այս մասին տեղեկանում ենք ակումբի Facebook-յան էջից։
Հայաստանի նորընծա չեմպիոնը վաղը հանդիպելու է Ուելսի չեմպիոնին Երևանի ժամանակով 22։00-ին։
Հայկական մյուս ակումբները ևս այս շաբաթ սկսելու են պայքարը եվրագավաթներում։
«Ալաշկերտը», վաստակելով 46 միավոր, դարձավ 2020/21 թվականների մրցաշրջանի Հայաստանի չեմպիոն։ Երևանյան թիմի համար սա չորրորդ չեմպիոնությունն էր։
