«Ալաշկերտը» հայտարարել է գլխավոր մարզիչ Ալեքսանդր Գրիգորյանի հետ երկկողմանի համաձայնությամբ պայմանագիրը խզելու մասին։
Ակումբի տարածած հայտարարության մեջ ասվում է, որ մարզիչը ակումբի հիմնադիր-սեփականատեր Բագրատ Նավոյանի հետ հանդիպման ընթացքում ցանկություն է հայտնել վերադառնալ Ռուսաստան կնոջ առողջական խնդիրների պատճառով։
Նավոյանն ընդառաջել է Գրիգորյանի ցանկությանը՝ չնայած այն փաստին, որ «Ալաշկերտի» համար հիմա շատ կարևոր շրջան է։
Ակումբը շնորհակալություն է հայտնել Ալեքսանդր Գրիգորյանին կարճ ժամանակահատվածում կատարած աշխատանքի համար։
Ավելի վաղ VNews-ը մանրամասներ էր հայտնել «Ալաշկերտի» արդեն նախկին մարզչի հեռանալու վերաբերյալ։
