«Լացիոն» հետաքրքրված է «Մանչեսթեր Սիթիի» պաշտպան Ալեքսանդր Զինչենկոյի ծառայություններով: Այս մասին հաղորդում է Corriere dello Sport-ը:
Ըստ պարբերականի տեղեկությունների՝ հռոմեական ակումբը կարող է մինչև ընթացիկ մրցաշրջանի ավարտը վարձակալել 24-ամյա ուկրաինացու տրանսֆերը՝ պահպանելով նրա ամբողջական իրավունքները գնելու իրավունք: Նշվում է, որ «Լացիոյի»՝ Զինչենկոյի նկատմամբ հետաքրքրությունը պայմանավորված է թիմի ձախ պաշտպան Սենադ Լուլիչի վնասվածքի հանգամանքով:
Սիմոնե Ինձագիի գլխավորած թիմի շարքերը, Զինչենկոյից զատ, կարող են համալրել նաև պաշտպան Դիմիտրի Կամենովիչը («Չուկարիչկի», Սերբիա) և Դոմագոյ Բրադարիչը («Լիլ», Ֆրանսիա):
Զինչենկոն ընթացիկ մրցաշրջանում ակումբային մակարդակով բոլոր մրցաշարերի կտրվածքով մասնակցել է 6 խաղի: Ուկրաինացու գործող պայմանագրի ժամկետն անգլիական ակումբի հետ լրանում է 2024 թվականի հունիսին: Նա 2016 թվականին «Ուֆայից» է տեղափոխվել «քաղաքաբնակների» ճամբար:
Ավելի վաղ տեղեկություններ էին տարածվել, որ ֆուտբոլիստին իրենց կազմում են ցանկանում տեսնել նաև «Յուվենտուսն» ու «Նապոլին»:
«Սիթիի» ֆուտբոլիստն անվճար կտեղափոխվի «Բարսելոնա»