«Ինտերի» և Չիլիի հավաքականի հարձակվող Ալեքսիս Սանչեսը հնարավոր է անակնկալ գործարքի արդյունքում վերադառնալ Իսպանիայի Պրիմերա:
Sport.es-ի փոխանցմամբ՝ 32-ամյա խաղացողի ծառայություններով հետաքրքրված է «Սևիլիան»: Ակումբը կփորձի ձեռք բերել Սանչեսի տրանսֆերը: «Ինտերը» պատրաստ է բաժանվել նրանից: Միլանյան ակումբը ֆինանսական բարդություններ ունի ու ուզում է որոշակի կայունություն ստանալ նաև ֆուտբոլիստների վաճառքից:
Ալեքսիս Սանչեսն ավարտված մրցաշրջանում մասնակցել է 30 հանդիպման, որոնցից 12-ն է սկսել մեկնարկային կազմում:
Սանչեսը 2019 թվականից է խաղում «Ինտերում»:
