«Բարսելոնան» փորձում է պայմանավորվել «Չելսիի» պաշտպան Մարկոս Ալոնսոյի հետ:
Ֆաբրիցիո Ռոմանոյի հաղորդմամբ՝ «կապտանռնագույններն» սկսել են լրջորեն հետաքրքրվել 31-ամյա ֆուտբոլիստի ծառայություններով և արդեն հասցրել են կապ հաստատել խաղացողի ներկայացուցիչների հետ: Նշվում է, որ իսպանացին մեծ հարգանքով է վերաբերվում լոնդոնյան ակումբին, սակայն ձգտում է վերադառնալ հայրենիք:
Երկար ժամանակ է՝ «կապտանռնագույնները» պաշտպանության ձախ եզրն ուժեղացնելու տարբերակներ են դիտարկում, և Ալոնսոն ամենափորձառուն է՝ մյուս 3-4 թեկնածուների համեմատ:
Հավելենք, որ Մարկոսը «Ռեալի» սան է և 1999-2008 թվականներին խաղացել է «Արքայական ակումբի» երիտասարդական թիմերում: Ֆուտբոլիստը «Չելսիի» գույները պաշտպանում է 2016 թվականից: