Իսպանիայի հավաքականի նախկին կիսապաշտպան Խաբի Ալոնսոն մարզչական կարիերան կշարունակի Գերմանիայում:
Ինչպես տեղեկացնում է Bild-ի լրագրող Քրիստիան Ֆալկը, իսպանացին, որն այժմ աշխատում է «Ռեալ Սոսյեդադի» երիտասարդական թիմում, ամռանը կգլխավորի Մյոնխենգլադբախի «Բորուսիան»: Նշվում է, որ Ալոնսոն արդեն պայմանավորվածություն է ձեռք բերել գերմանական ակումբի հետ և հունիսից կստանձնի գլխավոր մարզչի պարտականությունները:
Ալոնսոն «Բորուսիայում» կփոխարինի Մարկո Ռոուզին, որն էլ, իր հերթին, հուլիսից գլխավորելու է Դորտմունդի «Բորուսիան»:
