2017թ. չի դադարում զարմացնել կինոսեր հասարակությանն իր անակնկալներով: Ամառային շոգ օրերին հատկապես հաճելի է կինոթատրոններում խորասուզվել կինոյի աշխարհ ու կտրվել ամառվա տապից:
VivaroNews Culture-ը ձեզ է ներկայացնում ամռանը սպասվող ֆիլմերից 5-ը:
Կապիկների մոլորակը. պատերազմ//War for the Planet of the Apes, 2017
«Կապիկների մոլորակը. պատերազմ» ֆիլմի ռեժիսորն է Մեթ Ռիվզը, իսկ դերերում են հայազգի Էնդի Սերկիսը, հոլիվուդյան դերասաններ Թոբի Կեբելը, Վուդի Հարելսոնը, Ջուդի Գրիրը և այլք:
Կապիկների բանակն այս անգամ պատերազմելու է դաժան ու ահարկու մարդկանց բանակի հետ: Կապիկների արքա Կեսարը պետք է վրեժ լուծի իր ցեղի համար: Նա ու մարդկանց բանակի առաջնորդը պետք է մարտ ունենան, ինչի արդյունքն էլ կվորոշի, թե ով է տիրելու աշխարհը:
Բոլորի աչքերն ինձ վրա են//All Eyez on Me
«Լեգենդները չեն մահանում» սլոգանով ֆիլմը պատմում է լեգենդար երաժիշտ Թուփակ Շաքուրի կյանքի ու անցած ուղու մասին: Նա անըդհատ խնդիրների առաջ էր կանգնում, պատժվում օրենքով, բայց մարդիկ շարունակում էին սիրել ու մեծարել նրան: Համաշխարհային ռեփ մշակույթում նրա ներդրումն անգնահատելի էր, իսկ անունը՝ անմահ:
Կակաչային տենդ//Tulip Fever, 2017
Այս ֆիլմը պատմում է 17-րդ դարի հոլանդացիների կյանքի ու առօրյայի մասին: Ծաղկի սերմերը երկրի հարստության ու միաժամանակ աղքատության գլխավոր պատճառն էին, դրա համար էլ մարդիկ պատրաստ են անել ամեն բան, որ սերմեր ունենան: Ի՞նչ կլինի աղքատ նկարչի ու ծեր հարուստ վաճառականի կնոջ սիրային կապի վերջն ու ի՞նչ հետևանքների այն կհանգեցնի:
Փախստականը//The Beguiled, 2017
Աղջիկներ, որոնք մեկուսացված են արտաքին աշխարհից, հասունություն ու ցանկություններ, որոնք ճնշվում են բավարարված լինելու անհնարինության պատճառով, կանացիություն, որ գնալով ավելի արտահայտիչ է դառնում, հանդարտ ու միապաղաղ կյանք, որ կարող է փոխվել մեկ ակնթարթում:
Աշխարհ, որտեղ երբեք ոչ մի տղամարդ ոտք չի դրել, հանկարծակակի տակնուվրա է լինում գրավիչ փախստականի «այցելությունից» հետո:
Մութ աշտարակը//The Dark Tower, 2017
Պատկերացրեք, որ մեր աշխարհը միակը չէ: Կա Մութ աշտարակ, որը մարդկության ամենամեծ հույսն ու հավատն է. չէ՞ որ առանց դրա աշխարհը կվերածվի քաոսի: Գլխավոր հերոսներ Ռոլանդ Դիսքեյնն ու Ուոլթեր Օ՛Դիմը, որին նաև անվանում են «սևավորված մարդ» պետք է պայքարեն միմյանց դեմ: Ռոլանդը մարդկության միակ հույսն է: Ի՞նչպես կզարգանան իրադարձությունները: