Բելառուսի մայրաքաղաք Մինսկում այսօր մեկնարկում է գեղասահքի Եվրոպայի առաջնությունը, որում մենասահքում Հայաստանը ներկայացնելու են Սլավիկ Հայրապետյանը և Անաստասիա Գալուստյանը:
Հայ գեղասահորդուհին որոշակի դադարից հետո առաջին անգամ մասնակցելու է խոշոր մրցաշարի:
«Ֆիզիկական վիճակս բավարար եմ գնահատում: Առավել բարդ է լինելու հոգեբանական տեսանկյունից փոքրիկ դադարի պատճառով: Բայց ամեն դեպքում ամեն ինչ անելու եմ ցուցադրելու իմ կարողությունները ու այն, ինչ նախապատրաստել եմ»,-ասաց Անաստասիան VNews.am-ի հետ զրույցում:
Կարճ ծրագրում Գալուստյանը ելույթ կունենա հունվարի 23-ին, իսկ ազատ ծրագրում՝ հունվարի 24-ին: Իսկ Սլավիկը սառույց դուրս կգա հունվարի 24-ին և 25-ին:
