Մադրիդի «Ռեալի» գլխավոր մարզիչ Կառլո Անչելոտին հայտարարել է, որ կարիք չունի քննարկելու ՊՍԺ-ի հարձակվող Կիլիան Մբապեի ապագան։
«Մենք կենտրոնացած ենք աշխատանքի վրա, շատ լավ մթնոլորտ է թիմում: Այն, ինչ տեղի է ունենում ակումբից դուրս և այն, ինչ ասում են ուրիշները, մեզ վրա չի ազդում:
Ինձ ոչ ոք չի հարցնում Մբապեի մասին: Ես ժամանակ եմ անցկացնում «Ռեալի» մարզաբազայում, իմ մեքենայում և տանը։ Երբեմն ես այցելում եմ Մադրիդի լավ ռեստորաններ: Բայց ինձ ոչ ոք նման հարցեր չի տալիս։ Ես մտածում եմ միայն Չեմպիոնների լիգայի եզրափակիչի մասին»,- ասել է Անչելոտին ESPN-ի հետ զրույցում։
Ավելի վաղ հաղորդվում էր, որ «Ռեալը» Չեմպիոնների լիգայի շրջանակում «Լիվերպուլի» դեմ եզրափակիչից (մայիսի 28) հետո կհայտարարի Մբապեի տեղափոխության մասին: Կիլիանի՝ ՊՍԺ-ի հետ գործող պայմանագրի ժամկետը կավարտվի հունիսին: