Չեմպիոնների լիգայի այս խաղարկության «Ռեալ» - «Լիվերպուլ» եզրափակիչ հանդիպումից (մայիսի 28) առաջ մադրիդցիների գլխավոր մարզիչ Կառլո Անչելոտին պատասխանել է մերսիսայդյան ակումբի հարձակվող Մոհամեդ Սալահի՝ «վրեժի» մասին հայտարարությանը:
«Դա մեզ համար մեծ մոտիվացիա կլինի։ Սակայն հարկ է հիշել, որ «Ռեալը» պարտվել է «Լիվերպուլին»1981 թվականին: Ուստի մենք էլ նրանցից «վրեժ» լուծելու ցանկություն ունենք։
Մադրիդի «Ռեալը» հարգում է մրցակցին, շատ ուժեղ թիմ է։ Եզրափակիչին մոտենում ենք հիանալի տրամադրությամբ»,- մարզիչի խոսքը մեջբերում է Marca պարբերականը:
Հիշեցնենք՝ եվրոպական ակումբային ամենահեղինակավոր մրցաշարի 2017/2018 թվականների խաղարկության եզրափակիչում «Լիվերպուլը» 1:3 հաշվով պարտվել էր «Ռեալին», իսկ Սալահը վնասվածքի պատճառով փոխարինվել էր հանդիպման 30-րդ րոպեին: