Չեմպիոնների լիգայի կիսաեզրափակիչի՝ «Մանչեսթեր Սիթի» - «Ռեալ» հանդիպման նախախաղային ասուլիսի ժամանակ «սերուցքայինների» գլխավոր մարզիչ Կառլո Անչելոտին անդրադարձել է վնասվածք ունեցող ֆուտբոլիստներին:
«Մենդին հիանալի է զգում, կասկածներ ունենք Ալաբայի և Կազեմիրոյի հարցում: Վաղն ամեն ինչ պարզ կլինի և ըստ այդմ՝ մեկնարկային կազմում կլինի կա՛մ Ռոդրիգոն, կա՛մ Կամավինգան»,- իտալացի մասնագետի խոսքը փոխանցում է ՈՒԵՖԱ-ի մամուլի ծառայությունը:
Տարբեր լրատվամիջոցներ նշում են, որ «Էթիհադում» կայանալիք խաղին մասնակցելու ամենացածր շանսն ունի բրազիլացի կիսապաշտպանը:
«Սիթի» - «Ռեալ» հանդիպումը մեկնարկելու է ապրիլի 26-ին՝ ժամը 23:00-ին: Թիմերի միջև պատասխան խաղը կայանալու է մայիսի 4-ին՝ նույն ժամին: