Մադրիդի «Ռեալի» գլխավոր մարզիչ Կառլո Անչելոտին Իսպանիայի գավաթի 1/8 եզրափակիչում «Էլչեին» հաղթելուց հետո (2:1) խոսել է խաղից իր տպավորությունների մասին:
«Շատ ուրախ եմ, ինձ թվում է՝ սրանք այն հանդիպումներն են, որոնք ինձ ամենից շատն են գոհացնում։
Այս թիմը բնավորություն և ուժ ունի, երբեք չի հանձնվում: Այս հանդիպումը թերևս դրա լավագույն արտահայտումն էր:
Խաղը շատ բարդ ստացվեց, բայց ես ուզում եմ նշել թիմի և խաղացողների բնավորությունը։
Թիմը լավ արձագանքեց բաց թողած գոլին: Ես շատ ուրախ եմ Իսկոյի և Ազարի համար, որոնք այնքան էլ հաճախ չեն խաղում։ Այսօր նրանք դուրս եկան խաղադաշտ և գոլ խփեցին»,- իտալացի մասնագետի խոսքը մեջբերում է ակումբի մամուլի ծառայությունը: