Մադրիդի «Ռեալի» գլխավոր մարզիչ Կառլո Անչելոտին Արքայական գավաթի շրջանակում «Ալկոյանոյի» դեմ կեսգիշերից հետո կայանալիք խաղից առաջ խոսել է թիմի ուելսցի կիսապաշտպան Գարեթ Բեյլի մասին:
«Բեյլը լավ չէ, բայց վնասվածք չունի: Նա պարտավորություններ ունի, քանի որ պայմանագրի ժամկետը գործում է մինչև ամառ:
Նա լավ չի զգում, անհարմարություններ ունի: Եթե նա խնդիրներ ունենալու վախեր ունի, մենք պետք է հաշվի նստենք դրա հետ:
Վնասվածքների վերաբերյալ թարմացումներ չտալը պայմանավորված է յուրաքանչյուր անհատի գաղտնիության իրավունքով:
Հուսով ենք՝ նա կվերադառնա «Վալենսիայի» դեմ խաղին կամ Սուպերգավաթի շրջանակում Սաուդյան Արաբիայում կայանալիք հանդիպմանը»,- Marca-ն մեջբերում է Անչելոտիի խոսքը:
Հավելենք՝ «Ռեալը» ներկայացրել է «Ալկոյանոյի» դեմ կայանալիք խաղին թիմի հայտացուցակը:
📋✅ ¡Nuestros convocados para #AlcoyanoRealMadrid! pic.twitter.com/ZUqQ5MfrZY
— Real Madrid C.F. (@realmadrid) January 4, 2022