«Ռեալի» նորանշանակ գլխավոր մարզիչ Կառլո Անչելոտին մտադիր է թիմ հրավիրել «Էվերթոնի» բրազիլացի հարձակվող Ռիչարլիսոնին՝ հաղորդում է AS-ը՝ հղում կատարելով Goal-ին։
Աղբյուրի փոխանցմամբ՝ 24-ամյա խաղացողի հետ իտալացի մասնագետը ոչ պաշտոնական կապ է հաստատել ու զրուցել նրա հետ հավանական տրանսֆերի շուրջ։ Անչելոտին շփվել է ֆուտբոլիստի հետ ոչ պաշտոնական կապով, քանի որ Ռիչարլիսոնը Բրազիլիայի հավաքականի կազմում մասնակցում է Կոպա Ամերիկային։
Կառլո Անչելոտին այս ամառ գլխավորեց «Ռեալը» երկրորդ անգամ։ Առաջին ժամանակաշրջանում նա «Արքայական ակումբի» հետ նվաճեց Չեմպիոնների լիգայի 10-րդ գավաթը։
«Ռեալն» արդեն սկսել է նախապատրաստությունը նոր մրցաշրջանին։