Logo

Անչելոտին պատրաստ է գլխավորել Բրազիլիայի հավաքականը, եթե հեռացվի «Ռեալից»

15:45 / 28.03.2023ՍՊՈՐՏ
null

Կական ու Ռոնալդոն փորձում են Մադրիդի «Ռեալի» գլխավոր մարզիչ Կառլո Անչելոտիին համոզել գլխավորել Բրազիլիայի ազգային հավաքականը։

The Athletic-ի համաձայն՝ Բրազիլիայի հավաքականի ու «Ռեալի» երկու նախկին ֆուտբոլիստները մեծ դերակատարում ունեն իտալացի մասնագետին հրավիրելու հարցում։ Կական ու Ռոնալդոն 63-ամյա մարզիչի հետ բանակցում են Բրազիլիայի ֆուտբոլային կոնֆեդերացիայի անունից։

Կառլո Անչելոտին պատրաստ է գլխավորել Բրազիլիայի հավաքականը, եթե ընթացիկ մրցաշրջանից հետո հեռանա «Ռեալից»։ Սակայն իտալացին ցանկանում է մնալ «Արքայական ակումբում», եթե չհեռացվի այս մրցաշրջանի վերջում։

Անչելոտիի ապագան «Ռեալում» կախված է Չեմպիոնների լիգայում թիմի ելույթներից։ Եթե մադրիդցիները պաշտպանեն տիտղոսը, մարզիչի՝ մինչև 2024 թվականը նախատեսված պայմանագիրը կարող է երկարաձգվել։

Հիշեցնենք, որ Կառլո Անչելոտին «Ռեալը» երկրորդ անգամ գլխավորել էր 2021 թվականի ամռանը։ Նա Իսպանիայի գործող չեմպիոնի հետ աշխատել է նաև 2013-2015 թվականներին։

Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա