Ուզբեկստանի մայրաքաղաք Տաշքենդում շարունակվում է ծանրամարտի աշխարհի առաջնությունը:
Այսօր պայքարի դուրս եկավ Հայաստանի երկրորդ ներկայացուցիչ, 89 կգ քաշային Անդրանիկ Կարապետյանը:
Հայ ծանրորդը պոկում վարժության առաջին մոտեցմանը գլխավերևում պահեց 167 կգ, երկրորդ մոտեցմանը՝ 172 կգ, երրորդ մոտեցմանը՝ 175 կգ՝ նվաճելով փոքր ոսկի:
Հրում վարժությունում Անդրանիկ Կարապետյանը, ցավոք, վնասվածք ստացավ ու չկարողացավ հաջող մոտեցում կատարել:
Մինչև այս Հայաստանի ներկայացուցիչներից ելույթ է ունեցել 81 կգ քաշային Ռաֆիկ Հարությունյանը՝ երկամարտում գրավելով 8-րդ տեղը:
Դեկտեմբերի 14-ին աշխարհի առաջնությունում Հայաստանն ունի երկու ներկայացուցիչ. 96 կգ քաշի B խմբում պայքարի դուրս կգա Դավիթ Հովհաննիսյանը, իսկ A խմբում՝ Հակոբ Մկրտչյանը:
