Բասկետբոլի Հայաստանի հավաքականի խաղացող Անդրե Սփայթ Մկրտչյանը VNews-ի հետ զրույցում ամփոփել է Եվրոպայի փոքր երկրների առաջնության ընթացիկ մրցաշրջանում հավաքականի երկրորդ խաղը, որում Հայաստանի ընտրանին դժվարին պայքարում հաղթեց Սան Մարինոյի հավաքականին:
«Շատ բարդ խաղ էր: Ես ուրախ եմ, որ մենք հաղթեցինք: Կարոտում եմ Հայաստանում մեր բոլոր երկրպագուներին: Այստեղ զգում ենք ձեր կարիքը, բայց վստահ եմ՝ սրտով մեզ հետ եք:
Բարդ էր, բայց մենք հաղթեցինք և՛ առաջին խաղում, և՛ երկրորդ, իսկ կարևորագույնը դա է:
Սան Մարինոյի հավաքականն ավելի բարդ մրցակից էր, քան Ջիբրալթարի ընտրանին: Նրանք պատժում էին մեզ սխալների համար, բայց կարողացանք բազմաթիվ 3-միավորանոց նետումներ իրականացնել: Լավ խաղ անցկացրինք, ինչի շնորհիվ հաղթեցինք»,- VNews-ի հետ զրույցում խաղն ամփոփեց Անդրե Սփայթ Մկրտչյանը:
Հիշեցնենք՝ Ռեքս Քալամյանի գլխավորած տղաները Սան Մարինոյի հավաքականին հաղթեցին 78-66 հաշվով և դուրս եկան մրցաշարի կիսաեզրափակիչ: Այս փուլում Հայաստանի հավաքականի մրցակիցը հայտնի կդառնա վաղը: