Մաքս Զիդենտոպֆ. անուն, որ գուցե այնքան էլ ծանոթ չէ, բայց միանշանակ հեղափոխական է: Մարդ, որը հասկացավ ու որոշեց՝ չնայած նրան, որ անձնագրի նկարներում չեն ժպտում, նայում են միայն ու միայն տեսախցիկին, հետևում մի ամբողջ սպիտակ ֆոն է ու թվում է՝ չկա ինքնահաստատվելու թեկուզ մի փոքրիկ ձև, հնարավոր է տարբերվել: Մաքսը բեմադրում է, մարդիկ խաղում են, իսկ արդյունքում… Ստեղծվում է ուրիշը՝ առանց քառակուսիների:
Լուսանկարիչը ծնվել է 1991թ.-ին Նամիբիայում, իսկ աշխատել է Բեռլինում, Ամստերդամում, Լոս Անջելեսում: Հիմա լուսանկարիչն ապրում ու ստեղծագործում է Լոնդոնում: Մաքսի ամենահաջողված ֆոտոնախագիծը հենց «Անձնագրի լուսանկարներ»/«Passport Photos» շարքն է:
Նրա լուսանկարչական ստուդիայում ամեն անգամ տեղի է ունենում անհավանակա՜նը…