Եվրոպա, ՈւԵՖԱ Եվրոպայի առաջնություն, Եզրափակիչ Փուլ
11 Հուլիս 2021 - 23:00
1
Իտալիա
Անգլիա
0 - 1 Լյուկ Շոու - 2`
1 - 1 Լեոնարդո Բոնուչի - 67`
Ինչպես արդեն տեղեկացրել ենք, ՈՒԵՖԱ-ն նշանակել է ԵՎՐՈ 2020-ի եզրափակիչի մրցավարական անձնակազմը:
ՈՒԵՖԱ-ի պաշտոնական կայքի հաղորդմամբ՝ գլխավոր մրցավարի՝ տեսակրկնությունների գծով օգնական Բաստիան Դանկերտին կօգնի Պոլ վան Բուկելը:
Բուկելը տեսակրկնությունների գծով գլխավոր մրցավարի օգնական էր Անգլիա – Դանիա հանդիպմանը: Այս նշանակումը տարօրինակ է հատկապես այն ֆոնին, որ Անգլիա – Դանիա խաղում VAR համակարգի աշխատանքը քննարկումների ու քննադատությունների առիթ է դարձել:
Խոսքը, մասնավորապես, վերաբերում է Ռահիմ Ստեռլինգի նկատմամբ Դանիայի հավաքականի տուգանային հրապարակում խախտում լինել-չլինելուն: Հիշեցնենք, որ այդ դրվագում VAR համակարգի ստուգումից հետո 11-մետրանոց նշանակվեց դանիացիների դարպասին, ինչից հետո Անգլիայի հավաքականը խփեց պատասխան գնդակը: Խախտում լինել-չլինելու վերաբերյալ քննարկումներից բացի, քննարկման առարկա դարձավ նաև այն, որ Անգլիայի հավաքականի գրոհի ժամանակ՝ նույն դրվագում, խաղադաշտում հայտնվել էր 2-րդ գնդակ, իսկ կանոնների համաձայն՝ այդ պարագայում խաղը կանգնեցվում է: Գլխավոր մրցավարը, սակայն, ուշադրություն չհրավիրեց այդ հանգամանքին:
