տուր
01 Հունվար 1970 - 21:35
- «Մանչեսթեր Յունայթեդը» դիտարկում է «Լեյպցիգի» հարձակվող Տիմո Վերների տրանսֆերը ձեռք բերելու հնարավորությունը: Գերմանացի 23-ամյա ֆուտբոլիստի ծառայություններով հետաքրքրված է նաև «Լիվերպուլը»: Այս մասին հաղորդում է Mirror-ը:
Վերների իրավունքները նախորդ ամռանը փորձել էր գնել «Բավարիան», սակայն տեղափոխությունն այդպես էլ չէր կայացել: Գերմանիայի հավաքականի ֆուտբոլիստը դրանից հետո նոր պայմանագիր էր ստորագրել «Լեյպցիգի» հետ, որն ուժի մեջ է լինելու մինչև 2023 թվականի հունիսի 30-ը:
«Լիվերպուլը» և «Մանչեսթեր Յունայթեդը» կփորձեն իրենց շարքերը Տիմոյով համալրել արդեն առաջիկա ձմեռային տրանսֆերային պատուհանի ժամանակ, սակայն առավել հավանական է, որ գործարքը չի կայանա նախքան այս մրցաշրջանի ավարտը:
Վերները գերմանական այս ակումբում ելույթ է ունենում 2016 թվականից: Նա ավելի վաղ պաշտպանել է «Շտուտգարտի» մարզական պատիվը: Հարձակվողն ընթացիկ մրցաշրջանում ակումբային մակարդակով մասնակցել է 15 հանդիպման՝ խփելով 13 գոլ ու կատարելով 6 արդյունավետ փոխանցում:
«Բարսելոնան» լուրջ մրցակից ունի Լաուտարո Մարտինեսի համար պայքարում
