«Բարսելոնայի» բրազիլացի կիսապաշտպան Ֆիլիպե Կոուտինյոն, որը ներկայում վարձավճարով ելույթ է ունենում «Ասթոն Վիլայի» կազմում, ամռանը կարող է վերադառնալ կատալոնական ակումբ՝ հաղորդում է Mundo Deportivo-ն։
Ըստ աղբյուրի՝ բիրմինգհեմյան ակումբը կասկածում է ֆուտբոլիստի տրանսֆերային իրավունքը գնելու նպատակահարմարության հարցում, քանի որ բրազիլացին վերջին 6 խաղերում ոչ մի արդյունավետ գործողությամբ աչքի չի ընկել։
«Նյուքասլը», որն ավելի վաղ հետաքրքրված էր կիսապաշտպանի ծառայություններով, նույնպես չի շտապում որոշում կայացնելիս։ «Բարսելոնան» պատրաստ է 40 մլն եվրոյի դիմաց բաց թողնել բրազիլացուն։
Ընթացիկ մրցաշրջանում 29-ամյա Կոուտինյոն «Ասթոն Վիլայի» կազմում անցկացրած 14 խաղում դարձել է 4 գոլի ու 3 գոլային փոխանցման հեղինակ։ Նրա վարձակալական պայմանագիրն անգլիական ակումբի հետ ուժի մեջ է մինչև 2023 թվականը։