Մադրիդի «Ռեալի» վինգեր Մարկո Ասենսիոն կարող է տեղափոխվել «Արսենալ»՝ հայտնում է լրագրող Նիկոլո Սկիրան։

Աղբյուրի համաձայն՝ լոնդոնցիներն արդեն կապ են հաստատել «Արքայական ակումբի» հետ՝ իսպանացու հնարավոր ձեռքբերման համար։

Մարկոյի ծառայություններով հետաքրքրված է նաև իտալական «Միլանը»:

26-ամյա ֆուտբոլիստի պայմանագիրը «Ռեալի» հետ կավարտվի հաջորդ ամռանը։

Transfermarkt-ը Իսպանիայի հավաքականի խաղացողի տրանսֆերային արժեքը գնահատում է 40 միլիոն եվրո։

Ընթացիկ մրցաշրջանում Ասենսիոն բոլոր մրցաշարերում «սերուցքայինների» կազմում անցկացրել է 34 հանդիպում, որոնցում խփել է 10 գոլ և կատարել 1 գոլային փոխանցում։