Անգլիական «Չելսին» և «Մանչեսթեր Սիթին» ցանկանում են ձեռք բերել Թուրինի «Յուվենտուսի» կենտրոնական պաշտպան Մատեյս դե Լիխտի տրանսֆերային իրավունքը՝ հայտնում է ինսայդեր Ալֆրեդո Պեդուլան:
«Մանչեսթեր Սիթիի» գլխավոր մարզիչ Պեպ Գվարդիոլան Նիդեռլանդների հավաքականի ֆուտբոլիստի խաղի մեծ երկրպագուն է:
«Յուվենտուսը» մեծ ջանքեր է գործադրում՝ նիդեռլանդցու պայմանագրի ժամկետը երկարաձգելու համար: Թուրինյան գրանդը ցանկանում է բարձրացնել ֆուտբոլիստի հրաժարագինը:
22-ամյա պաշտպանի պայմանագիրն իտալական ակումբի հետ գործում է մինչև 2024 թվականի ամառ: Գործող պայմանագրով՝ Դե Լիխտի հրաժարագինը կազմում է 100 միլիոն եվրո:
