«Տոտենհեմը» ցանկանում է ձեռք բերել «ՌԲ Լեյպցիգի» կիսապաշտպան Մարսել Զաբիտցերին։ Ավստրիացին լոնդոնյան ակումբի տրանսֆերային գլխավոր նպատակն է, գրում է ինսայդեր Նիկոլո Սկիրան։
Անգլիական ակումբն արդեն 5 տարվա պայմանագիր է առաջարկել 26-ամյա ֆուտբոլիստին։ «Ցլերի» հետ նրա ներկայիս համաձայնագիրը նախատեսված է մինչև 2022 թվականի ամառը։
«Տոտենհեմի» նախագահ Դենիել Լևին շուտով կսկսի բանակցել նաև գերմանական ակումբի հետ։
Չեմպիոնների լիգայի նախորդ խաղարկությունում «Լեյպցիգի» դեմ հանդիպումներից հետո «Տոտենհեմի» գլխավոր մարզիչ Ժոզե Մոուրինյուն հենց Զաբիտցերին էր առանձնացրել մրցակցի կազմում։
