Թուրինի «Յուվենտուսի» հարձակվող Պաուլո Դիբալան ամառային տրանսֆերային պատուհանի ժամանակ կարող է դառնալ «Մանչեսթեր Յունայթեդի» ֆուտբոլիստ՝ հաղորդում է Tuttomercatoweb-ը։
Ըստ աղբյուրի՝ «Մանչեսթեր Յունայթեդի» ներկայացուցիչները հանդիպել են 28-ամյա արգենտինացու գործակալի հետ։ Ավելի վաղ հաղորդվում էր, որ նրա ծառայություններով հետաքրքրված են «Արսենալը», «Նյուքասլը», ՊՍԺ-ն ու «Ատլետիկոն»։
«Յուվենտուսը» հաստատել է, որ ընթացիկ մրցաշրջանի ավարտից հետո Դիբալան ազատ գործակալի կարգավիճակով կլքի ակումբը։ Արգենտինացին թուրինյան ակումբի կազմում ելույթ է ունենում 2015 թվականից։
Ընթացիկ մրցաշրջանում Դիբալան Իտալիայի առաջնության 24 խաղում դարձել է 8 գոլի ու 5 գոլային փոխանցման հեղինակ։ 2015 թվականից Դիբալան հրավիրվում է Արգենտինայի ազգային հավաքական։