Անգլիայի հավաքականի խաղացողները մտադիր են ԵՎՐՈ-2020-ից հետո մրցանակային գումարի մի մասը տալ բարեգործության։
Անգլիայի ֆուտբոլային միությունը հաղթանակի դեպքում մոտ 24 միլիոն ֆունտ է ստանալու, որոնցից 9,5 միլիոնը բաժին է հասնելու խաղացողներին։ Եզրափակիչում պարտության դեպքում FA-ն կստանա ավելի քիչ գումար, սակայն դա չի խանգարի ֆուտբոլիստներին իրագործել իրենց նպատակները։
The Telegraph-ի տեղեկություններով՝ խաղացողները մտադիր են այդ գումարի զգալի մասը հանձնել Մեծ Բրիտանիայի Ազգային առողջապահական ծառայությանը:
Փոխանցման հարցերը քննարկվելու են մրցաշարի ավարտից հետո։ Իտալիայի ու Անգլիայի հավաքականների միջև եզրափակիչը կայանալու է կիրակի՝ Լոնդոնի «Ուեմբլի» ստադիոնում։
