Աննկարագրելի Անջելինա Ջոլին այս անգամ Elle ամսագրի նոր համարում է, և խոսում է կանանց, նրանց իրավունքների, ազատության և սահմանափակումների մասին:
«Կային ժամանակներ, երբ կանայք պատժվում էին միայն այն բանի համար, որ առանց ամուսնանալու սեռական հարաբերություններ էին ունենում տղամարդկանց հետ, ազատ խոսում էին քաղաքական և կրոնական թեմաներից, կամ տարբերվող հագուստ էին կրում:
Կանանց ստիպում էին լռել և կառավարում էին գրեթե բոլոր հասարակություններում: Օրինակ Ժաննա դ’Արկին այրեցին կրակի վրա՝ մեղադրելով կռապաշտության և հերետիկության մեջ, նրան մեղադրում էին նաև, որ վերջինս տղամարդու հագուստ էր կրում…
Դարեր շարունակ կանանց, որոնք չեն ենթարկվել հասարակության կողմից սահմանած կանոններին, համարել են տարօրինակ, վտանգավոր և անբնական:
Ես շատ եմ եղել այն երկրներում, որտեղ իմ հայացքների պատճառով կարող էի ճաղերի ետևում հայտնվել, եթե լինեի այդ երկրի քաղաքացի:
Աշխարհում ավելի քան 200 000 000 կին և աղջիկ ժամանակին բարդ և վտանգավոր վիրահատություններ են տարել, ավելի քան 650 000 000 կին և աղջիկ նախքան չափահաս դառնալը ստիպողաբար ամուսնացել են: Հազարավոր կանայք և աղջիկներ սպանվում են այսպես ասած՝ պատվի համար, միայն այն բանի համար, որ վերջիններս կամքի ուժ են դրսևորել և դեմ են դուրս եկել ընտանիքի անդամներին:
Այս կանայք հոգնել են անարդարությունից և տառապանքից և նրանք չեն պատրաստվում համակերպվել այն ամենի հետ, ինչի հետ համաձայն չեն:
Մենք (կանայք) չենք ցանկանում յուրաքանչյուր օր արթնանալ և պայքարել, մենք ցանկանում ենք լինել փխրուն, ցանկանում ենք սիրել և սիրված լինել, ցանկանում ենք, որ մեր մասին հոգ տանեն: Մենք չունենք կախարդական ուժ, և միակ բանը, որ ցանկանում ենք՝ մեկս մյուսի մասին հոգ տանելն է, և աշխատելն է այն մարդկանց հետ, որոնք հաշվի են նստում մեզ հետ:
Ես իմ աղջիկներին էլ եմ միշտ ասում, որ չկա ավելի գրավիչ բան, քան կինը, որն ունի սեփական կարծիք և տենչում է ազատության…»:
Ավելին՝ այստեղ:
