Անգլիական «Մանչեսթեր Յունայթեդի» հարձակվող Անտոնի Մարսիալը միացավ իսպանական «Սևիլիային»։ Տեղեկությունը պաշտոնապես հաստատել է անդալուզյան ակումբի մամուլի ծառայությունը։
Ֆրանսիացին «Սևիլիայում» խաղալու է վարձակալության սկզբունքով։ Պայմանագիրը նախատեսված է մինչև հունիսի 30-ը։
«Ճոխ համալրում սևիլիստայի հարձակման գծում»,- իսպանական ակումբն այսպես է ներկայացրել Մարսիալին:
Ընթացիկ մրցաշրջանում Մարսիալը բոլոր մրցաշարերում ակումբային մակարդակով 11 հանդիպման է մասնակցել և դարձել է 1 գոլի հեղինակ։