Սպորտային մարմնամարզության Օլիմպիական չեմպիոն, աշխարհի առաջնությունների եռակի, Եվրոպայի հնգակի չեմպիոն ռուսաստանցի Արթուր Դալալոյանը խորհել է կամքի ուժի և դժվարությունները հաղթահարելու միջոցով նպատակին հասնելու մասին։
«Դեռ մանկուց ինձ չի հաջողվել հեշտ ճանապարհով հասնել նպատակներիս։ Յուրաքանչյուր նվաճման համար անհրաժեշտ է եղել պայքարել, յուրաքանչյուր նվաճում ահռելի աշխատանք էր սեփական անձի նկատմամբ, հնարավորությունների 200 տոկոսանոց ներդրում և առավելագույն ինքնանվիրում։
Որքան էլ դժվար ու ցավոտ լիներ, ջանում էի գնալ մինչև վերջ։ Պատանեկան տարիքից հղկված այդ որակներն ինձ օգնեցին չհանձնվել Տոկիոյի Խաղերին նախորդած դժվարին պահին և նվաճել ինձ համար այդքան թանկ ու կարևոր մեդալը։ Ինքդ քեզ հաղթահարելը տանջանք չէ. հաղթահարելով ինքներս մեզ՝ ավելի ենք ուժեղանում հոգով և մարմնով»,- գրել է անվանի մարզիկը սոցիալական ցանցերում։
