«Ալաշկերտի» և սերբ մասնագետներ Միլան Միլանովիչի ու Վլադիմիր Պրոչիկևիչի միջև պայմանագրի ժամկետն ավարտվել է։
Ակումբի մամուլի ծառայությունը տեղեկացնում է, որ թիմի նոր գլխավոր մարզիչ է նշանակվել Արամ Ոսկանյանը: Նախորդ երկու տարիներին Ոսկանյանը գլխավորում էր ղազախական «Ատիրաու» ակումբը:
Ոսկանյանի մարզչական շտաբում ընդգրկվել են նաև Մանուկ Սարգսյանը և ֆիզպատրաստության մարզիչ Հայկ Ոսկանյանը։
46-ամյա մասնագետն «Ալաշկերտը» գլխավորել է նաև 2017-2019 ընկած ժամանակահատվածում, աշխատել է նաև «Միկա», «Ուրարտու» ակումբներում, հանդիսացել է Հայաստանի Մ19 հավաքականի գլխավոր մարզիչը։
Արամ Ոսկանյանի գլխավորությամբ «Ալաշկերտը» մարզումները կսկսի հունվարի 15-ին։