Երևանի «Արարատի» գլխավոր մարզիչ Արամ Ոսկանյանն ակումբի մամուլի ծառայության հետ զրույցում անդրադարձել է Կոնֆերենցիաների լիգայի խաղարկությունում հյուսիսմակեդոնական «Շկենդիայի» հետ սպասվող մրցակցությանը։
«Կարծում եմ՝ հնարավոր ամենաբարդ մրցակիցներից է «Շկենդիան»։ Առաջիկա օրերին ավելի մանրամասն կուսումնասիրենք մրցակցին։ Գիտենք, որ Հյուսիսային Մակեդոնիայի լավագույն ակումբներից է, ունի լավ ավանդույթներ:
Հաջորդ փուլ դուրս գալու հնարավորություններն այժմ հավասար եմ գնահատում: Հանդիպումներին կպատրաստվենք մեր մարզաբազայում: Կանցկացնենք երկու ստուգողական հանդիպում և կփորձենք հնարավորինս պատրաստ ներկայանալ այդ խաղերին»,- նշել է Արամ Ոսկանյանը:
«Արարատը» և «Շկենդիան» մրցելու են հուլիսի 7-ին և 14-ին: