Ղազախական «Ատիրաուի» գլխավոր մարզիչ Արամ Ոսկանյանը կարող է ազատվել զբաղեցրած պաշտոնից՝ հաղորդում է տեղական Sports-ը:
Ոսկանյանը կարող է ազատվել պաշտոնից Ղազախստանի առաջնության 4-րդ տուրի շրջանակում «Աստանայի» դեմ այսօր կայանալիք խաղից հետո:
Նշենք, որ Ղազախստանի առաջնությունը վերջերս է մեկնարկել: «Ատիրաուն» անցկացրած 3 խաղում 3 պարտություն է կրել և զբաղեցնում է մրցաշարային աղյուսակի նախավերջին՝ 13-րդ հորիզոնականը:
Հիշեցնենք, որ «Ատիրաուն» ու Արամ Ոսկանյանն այս հունվարին են նոր պայմանագիր կնքել:
