Ինչպես արդեն տեղեկացրել ենք, «Արարատը» VBET Հայաստանի գավաթի խաղարկության եզրափակիչում 3-1 հաշվով հաղթել է «Ալաշկերտին» և նվաճել գավաթակրի կոչումը:
«Արարատից» հաշիվը 12-րդ րոպեին բացել է հարձակողական ոճի կիսապաշտպան Աղվան Պապիկյանը, իսկ 19-րդ ու 55-րդ րոպեներին խփած գոլերի շնորհիվ դուբլ է ձևակերպել հարձակվող Մորի Կոնեն: «Ալաշկերտից» 85-րդ րոպեին պատասխան գոլ է խփել հարձակվող Միհրան Մանասյանը: Մրցավեճի հիմնական ժամանակի վերջին րոպեին կարմիր քարտ է ստացել «Ալաշկերտի» կիսապաշտպան Ռումյան Հովսեփյանը:
«Արարատն» իր պատմության մեջ 6-րդ անգամ է դարձել երկրի գավաթակիր: Ավելի վաղ դա հաջողվել էր նաև 1993, 1994, 1995, 1997 ու 2008 թվականներին:
VNews․am-ի ֆոտոթղթակից Գրիգոր Գրիգորյանը ներկայացնում է «Ալաշկերտ» – «Արարատ» եզրափակիչ հանդիպումից իր պատրաստած ֆոտոշարքը:
- 25
