Արցախցի սամբիստները երեք բրոնզե մեդալ են նվաճել Ղազախստանում՝ պատանիների մասնակցությամբ անցկացված միջազգային կարգի մրցավար Կոշկարբայ Տաբինբաևի 4-րդ հուշամրցաշարում։

Հայաստանի սամբոյի ֆեդերացիան տեղեկացնում է, որ Ատիրաու քաղաքում տեղի ունեցած ստուգատեսին մարզիչ Ազատ Անդրյանի գլխավորությամբ մասնակցել է նաև Արցախի Հանրապետության հավաքական թիմը։

Բրոնզե մրցանակակիր են դարձել Ալեքս Խաչատուրյանը, Վիկտոր Բալայանն ու Ալեքս Բալայանը։