«Ինտերի» և Չիլիի հավաքականի կիսապաշտպան Արտուրո Վիդալը կարող է կարիերան շարունակել Արգենտինայում: Ինսայդեր Նիկոլո Սկիրայի հաղորդմամբ՝ Վիդալին 1,5 տարվա պայմանագիր է առաջարկել արգենտինական «Բոկա Խունիորսը»:
Վիդալի պայմանագիրն «Ինտերի» հետ գործում է մինչև հաջորդ տարվա ամառ: Միլանյան գրանդը ցանկանում է վաճառել չիլիացու տրանսֆերային իրավունքը, որպեսզի թեթևացնի աշխատավարձերի բյուջեն:
Ավելի վաղ հաղորդվում էր, որ Վիդալը կտեղափոխվի բրազիլական «Ֆլամենգո»: Transfermarkt-ը 35-ամյա կիսապաշտպանի տրանսֆերային արժեքը գնահատում է 2 միլիոն եվրո:
Հիշեցնենք՝ «Բոկա Խունիորսում» է ելույթ ունենում Հայաստանի հավաքականի հարձակվող Նորբերտո Բրիասկո Բալեկյանը, որն այժմ ապաքինվում է վնասվածքից:
