«Նոյեմբերի 22֊ը Արցախյան երկրորդ պատերազմի նահատակված հերոսների հիշատակի օրն է։ Ես հայտնում եմ իմ խորին ցավակցությունը հազարավոր զոհված զինծառայողների ընտանիքներին։

Մեր անմահ հերոսները իրենց կյանքը նվիրեցին Արցախին ի պաշտպանություն թուրք֊ադրբեջանա֊ահաբեկչական ագրեսիայից և հայատյաց դաժանություններից։ Մենք բոլորս նույն ցավն ենք ապրում։ Միասին ենք և հանուն մեր հերոսների հիշատակին պետք է ապրենք»։

Արի՛, ի՛մ սոխակ, թո՛ղ պարտեզ, մերին,

Տաղերով քուն բե՛ր տըղիս աչքերին․

Բայց նա լալիս է․ դու, սոխակ, մի՛ գալ.

Իմ որդին չուզե տիրացու դառնալ։

Ե՛կ, աբեղաձա՛գ, թո՛ղ արտ ու արոտ,

Օրորե՛ տըղիս, քընի է կարոտ․

Բայց նա լալիս է․ դու, ձագուկ, մի՛ գալ,

Իմ որդին չուզե աբեղա դառնալ։

Թո՛ղ որսըդ, արի՛, քաջասի՛րտ բազե,

Քու երգը գուցե իմ որդին կուզե․․․

Բազեն որ եկավ` որդիս լըռեցավ,

Ռազմի երգերի ձայնով քընեցավ։